Kryetari i grupit parlamentar të Partisë Socialiste Taulant Balla vuri në dukje në një konferencë për mediat se procedura ndaj ish-ministrit të Brendshëm Saimir është e njëjta ajo që është ndjekur më parë edhe për Ilir Metën dhe për Lulzim Bashën. Sipas Ballës, tani është faza që deputetët e mandatuar duhet të hartojnë raportin përfundimtar, sa i takon vendimit që do dërgohet në Kuvend për Tahirin dhe nuk ka asnjë arsye për të përhapur panik.
Ai tha se në këtë mënyrë është vepruar edhe kur është mbledhur për Lulzim Bashën e Ilir Metën. Ndërsa më herët, deputeti i LSI-së Nasip Naço kërkoi që grupi parlamentar i Partisë Socialiste të mos mbrojë deputetin Tahiri që kërkon të fshihet pas imunitetit.
“Ne nuk duam të mbrohemi pas imunitetit, as zoti Tahiri nuk besoj se do të fshihet pas imunitetit. Unë jam deputet as prokuror dhe as gjykatës, por kam bindje që këta prokurorë nuk kanë interferenca politike. Organi i prokurorisë po punon në mënyrë profesionale. I bëj thirrje grupit të PS që të mos e mbrojë, por t’i hapë rrugë këtij procesi”,- tha ai.
