Drejtuesi politik i PS në Elbasan, Taulant Balla pas ngjarjes së rëndë që ndodhi sot në Elbasan, ka shkuar në spital për të vizituar efektiven e “Shqiponjave”, Xhensila Sota, e cila u plagos në këmbë dhe fatmirësisht është jashtë rrezikut për jetën.
Gjatë një prononcimi për mediat, Balla se provokuesit dhe iniciuesit e kësaj ngjarje është Partia Demokratike dhe Presidenti i Republikës, Ilir Meta.
Ndër të tjera, ai u bëri thirrje qytetarëve të Elbasanit që të mos bien pre e provokimeve të tilla.
Taulant Balla: “Prej momentit të parë sapo jam njoftuar për ngjarjen jam munduar të marrë informacionin e nevojshëm, sikurse dhe kam njoftuar të gjithë organizatat e PS në Elbasan për të ruajtur qetësinë, për të mos rënë pre e provokimeve, që kanë ardhur duke u përshkallëzuar dhe kanë një fajtor PD dhe presidentin e Republikës, që nga dita e verës dhe për të ardhur deri këtu ku ka humbur jetën një qytetar i Elbasanit dhe është plagosur një punonjëse e policisë, sot në mëngjes kanë terrorizuar banorët e lagjes 5 maji dhe autorësinë e këtij akti të plotë duhet t’ia lënë Prokurorisë dhe Policisë për të çuar para drejtësisë vrasësin dhe porositësit. Nuk dua të shtoj asgjë mbi njoftimet që duhet të bëjnë institucionet e drejtësisë. Thirrja për qytetarët e Elbasanit është ju lutem, ju jeni njerëz që duhet të vlerësoni rëndësinë e këtij momenti, nuk duhet të bini pre e provokimeve, këto paramilitare që kanë zbarkuan në çdo cep t’i ndëshkojmë më 25 prill.”
