Gazetari Artan Hoxha ka komentuar ngjarjen e rëndë që tronditi Elbasanin, ku mbeti i vdekur Pjerin Xhuvani dhe katër të tjerë u plagosën.
Sipas tij, kjo ishte një kronikë e një vrasjeje të paralajmëruar.
Ai shton se Xhuvani ishte me profesion mjek psikiatër, ndërsa Arbër Pepkola, i cili u vu në pranga si autor ka qenë një nga efekivët më të trajnuar të Forcave Speciale, që ka shërbyer 6 muaj në Afganistan si instruktor trajnimi i policisë Afgane.
“Kronika e nje vrasje të paralajmeruar…Asgje jashte parashikimeve…Deshmori” i pare i zgjedhjeve parlamentare të 25 prillit 2021, eshte mjeku psikiater Pjerin Xhuvani. Ndersa autori i dyshuar, nje nga efektivet me te trajnuar te Forcave Speciale, qe ka sherbyer 6 muaj në Afganistan si instruktor trajnimi i policise Afgane.”, shkruan Hoxha në rrjetin social, Facebook.
Ngjarja e rëndë ka ndodhur mesditën e sotme në Elbasan, ku shkaku kryesor dyshohet se është shitblerja e votës.
Pjerin Xhuvani, me një organizim të hershëm politik në LSI e së fundmi në PS u vra në rrethana të panjohura, ndërsa autori mendohet se është një nga anëtarët e shtabit të PD, Arbër Papleka, ish-oficer i RENEA.