Kreu i Grupit Parlamentar të PS, Taulant Balla, tha sot në Kuvend se për presidentin Meta problemi nuk qëndron te afatet për zgjedhjen e emërimeve në Gjykatën Kushtetuese, por lista me katër emra. Mes tyre edhe bashkëjetuesja e Alibeajt.
Ai është treguar mjaft i drejtëpërdrëjtë, ndërsa ka kërkuar nga ana e Kreut të Shtetit që të flasë troç. Duke shigjetuar Metën, Balla tha se presidenti nuk ka hallin e afatit, por do që të ketë në Gjykatën Kushtetuese bashkëjetuesen e Alibeajt.
“Duhet të flas troç, Meta bën mirë të heqë maskën e të flasë troç. Nuk ka hallin e afatit, ka ngulmuar që lista ti shkojë me 4 veta. Se ka parë që e katërta e renditur është një person që ka njohje me presidentin.
Bashkëjetuesen e Alibeaj, kjo është troç, lërini dënglat”, tha Balla, i cili më herët tha se : “Institucionin bazë për përzgjedhjen e anëtarëve është KED.
Meta ka afat, ka dalë sot në pikë të mëngjesit nga kafja me një person që e pi çdo ditë. Dhe thotë se Kuvendi ka shkel afatin e është me vonesë, ty që të iku afati që javën e shkuar qenke në rregull.
Për kandidatin e dytë kishte 30 ditë kohë, më 8 nëntor i ka mbaruar afati. Shpikje e re Kushtetuese, presidenti ka të drejtë të pezullojë afatet Kushtetuese. Me këtë precedent pezullon afatin 5 vjeçar të presidentit, ose e zëmë mandatin e Ralfit ta bëj 50 vjet. E ka të përcaktuar qartë, se në fund të 30 ditëve KED thotë afati yt mbaroi. I pari në listë me pikët shpallet anëtar i GJK, dhe i uroj zonjës Arta Vorpsi, urime në detyrën e marrë nga KED pas përfundimit të procesit.
3 anëtarë, zonja në detyrë, Besnik Muci i dekretuar, Arta Vorpsi që ka përfunduar afati nga presidenti dhe do zgjedhim dy të tjera sot. 5 anëtar të rinj të GJK, ky është një lajm i mire për rrugën tonë në BE”.
