Kreu i grupit parlamentar të PS-së, Taulant Balla ka sulmuar sot Partinë Demokratike dhe LSI-në, ndërsa ka pasur një koment edhe partinë më të re, Bindjen Demokratike.
Gjatë fjalës së tij në foltoren e Kuvendit, Balla paralajmëroi penalitete të rënda për këdo që ngre dorën për të prishur procesin zgjedhor.
Duke komentuar partinë e Patozit, deputeti socialist tha se kreu i BD-së është i tyre, ndërsa për ata që thonë se është i Ramës, mund të jetë një lojë e Berishës:
“Nuk ka më budallenj që dëgjojnë Lulin e Monikën e guxojnë të ngrenë dorën. Zgjedhjet nuk janë as të socialistëve, as të demokratëve, qofshin këto të Partisë Demokratike apo të Bindjes Demokratike. Se qesharake të duket që nënkryetari i PD-së sulmon sistemin politik. Ju nuk keni faj, po partisë mëmë thojini që Patozi është i tyre, nuk është i yni. Se thonë e mbështet Rama, ku e dimë në që s’është lojë e Berishës kjo? Dështoi Luli ka fut Astritin.”
