Gazetari i njohur Berat Buzhala i cili është infektuar me koronavirus, së fundmi ka publikuar një mesazh mjaft prekës në rrjetin social Facebook.
Ai bën me dije se edhe i ati ka rezultuar pozitiv dhe gjendja e tij është kritike ndërsa shton se prej 5 ditësh ndodhet në koma.
Buzhala i bën thirrje të gjithëve që të mbajnë maskat, të ruajnë distancën dhe higjienën.
“Unë jam i bindun që në një të ardhme jo shumë të largët prapë kemi me pasë mundësi me ndejt truç me njani tjetrin, me kcy në valle si të dalldisun, ama nuk kemi me pasë mundësi me i pas afër vetes ata që prej pakujdesisë tonë nuk i kemi afër vetes.
Në pamundësi me ia thanë te veshi, po kam nevojë me ia thane qitu babës se nuk ka gajle që i ke pas prishë krejt mollat e dardhat me helm.
Kisha pasë qef me prishë hala”, shkruan gazetari.
Postimi i tij i plotë: “Edhe po tutna, e edhe po pritoj me dalë, ndonëse kanë kalu tashmë ma shumë se dy javë prej kur jam testu pozitivisht me Covid.
Fatkeqësisht nuk kam qenë i vetmi në familje që pata dalë pozitiv, e fatkeqësisht ka prej nesh që ende nuk po munden me i nxjerr kambët prej kësaj beteje të gjatë, të lodhshme, e të mërzitshme. E kam fjalën për babën. Gjendja e tij vazhdon me qenë kritike, është në komë që 5 ditë.
Çka po du me thanë është kjo: Mbani ato maska, mbajeni distancën, e mbajeni edhe higjienën. Sikur të rikthehej gjendja sikur qysh ka qenë para dy javësh kisha premtu që do ta kisha mbajtë maskën për pjesën tjetër të jetës.
Mirëpo ajo nuk kthehet tashmë, krejt çka mundemi me bo është me parandalu raste të tjera, me parandalu më shumë fatkeqësi dhe më shumë rënie të shtetit.
Kjo luftë nuk do të zgjasë edhe disa ditë, e as edhe disa javë. Do të zgjasë edhe disa muaj, kurse ne së bashku do të mund ta krijojmë një realitet të ri dhe të përkohshëm, por që na mbron prej shumë dramave familjare.
Unë jam i bindun që në një të ardhme jo shumë të largët prapë kemi me pasë mundësi me ndejt truç me njani tjetrin, me kcy në valle si të dalldisun, ama nuk kemi me pasë mundësi me i pas afër vetes ata që prej pakujdesisë tonë nuk i kemi afër vetes.
E kam thanë edhe një ditë tjetër, ky vit është Viti i Mbrapshtë, e jo ai që ka thanë Kadareja.
p.s.
Na pamundësi me ia thanë te veshi, po kam nevojë me ia thane qitu babës se nuk ka gajle që i ke pas prishë krejt mollat e dardhat me helm.
Kisha pase qef me prishë hala….”
