Zbardhen të tjera detaje nga momentet e fundit përpara ekzekutimit të Lefter Zhidrus në Elbasan, nga forcat RENEA.
Policia ka tentuar që ta bindë 71-vjeçarin që të dorëzohet, përmes vajzës së tij 13-vjeçe, të cilën e nxori poshtë pallatit përballë dritares së katit të dytë ku ai qëndronte.
“Babi dorëzohu, babi dorëzohu”, mësohet të ketë thërritur e mitura, por babai i saj nuk doli asnjëherë në dritare duke i injoruar thirrjet e të bijës.
Ndërkohë, edhe djali që ndodhet në Greqi tentoi ta bindte duke e telefonuar, por edhe kjo tentativë ka rezultuar e kotë. Pas kësaj, RENEA ndërhyri duke e ekzekutuar.
Ngjarja përfundoi me ekzekutimin e Zhidros, pasi ky i fundit kishte vendosur kallëp tritoli te dera, ndaj edhe ndërhyri RENEA.
Telefoni i viktimës është gjetur i thyer brenda apartamentit. 71-vjeçari jetonte me qira në këtë apartament prej 5 vitesh, pasi erdhi nga Saranda.
Disa komshinj thanë se gjatë periudhës komuniste Lefter Zhidro ka shërbyer si ushtarak.
