Një familje nga Shqipëria duhet të deportohet. Protesta është e madhe. Kryefamiljari i saj është i sëmurë rëndë. Grupi i “Knochenbrecher Creë” nga Reinickendorf, javën e kaluar ka shkuar pranë Departamentit të Senatit për Çështje të Brendshme dhe Sporte. Ata kanë dorëzuar një listë të nënshkrimeve tek Andreas Geisel (SPD), ku kërkojnë anulimin e kërkesës së deportimit të familjes Turtulli nga Shqipëria.
Vajza 13-vjeçare, Marsilda, është e vetme përballë kësaj situate. Ajo do deportohet së bashku me prindërit e saj. Autoriteti i të Huajve u kishte premtuar kohët e fundit vetëm një shtyrje të qëndrimit prej disa javësh. Babai i saj është në spital. Ai i është nënshtruar një operacioni në tru ku ka hequr tumore, dhe tashme ai vuan nga depresioni, dhe vazhdon të kurohet në spitalin Charité. Megjithatë, Autoriteti i të Huaje e cilësoi atë si të aftë për udhëtim, shkruan tagesspiegel.de.
Familja kishte shkuar në Gjermani në 2015, por kërkesa e tyre për azil u hodh poshtë në mars 2017. Dy fëmijët e rritur të familjes, të cilët aktualisht janë duke studiuar në Berlin, mund të qëndrojnë në Gjermani. Vullnetarët kanë mbledhur më shumë se 28,000 nënshkrime për Marsildën dhe prindërit e saj dhe i kanë dorëzuar tek sekretari i Departamentit të Senatit. Ky institucion drejtohet nga Geisel, i cili v vetë nuk dëshiron të komentojë për “raste individuale”, e sidomos për rastin e familjes shqiptare.
Të huajve që u anulohet kërkesa për azil, ata mund të paraqesin një ankesë te Komisioni i Vështirësive. Komisioni, rast pas rasti, shqyrton rrethana që justifikojnë qëndrimin e tyre të mëtejshëm për “arsye humanitare ose personale”. Pastaj, si në rastin e Turtullis, ata dërguan një ankesë tek Senatori i Brendshëm. Ai nuk duhet të ndjekë opinionin e Komisionit, por vendos në bazë të dokumenteve që i janë dhënë atij. Vendimi i tij nuk është subjekt i shqyrtimit gjyqësor.
Për rastin e Turtullis, Geisel ka vendosur të deportojë. Përpjekjet e integrimit të familjes konsiderohen joadekuate. Dosjet e autoriteteve të emigracionit thonë se azilkërkuesit nuk kishin kërkuar punë, as nuk kishin ndjekur kurse të gjuhës gjermane, dhe performanca në shkollë e 13-vjeçares nuk ishte e mirë. Shqipëria klasifikohet si vend i sigurt i origjinës.
Por një mësues i Marsildës ka hedhur poshtë këto pretendime.
Saman Sebastian Hamdi: “Vajza ishte e mirë integruar dhe fliste gjermanisht. Ajo u zgjodh për herë të fundit edhe përfaqësuese e klasës. Prindërit kishin marrë kurse të gjuhës gjermane, por nuk arritën t’i përfundonin për shkak të sëmundjes së tij. Pastaj gruaja e tij duhej të kujdeset për shumë gjëra në spital. Dhe ajo punoi si pastër për shumë kohë. Ajo gjithashtu ka oferta për punë edhe në këtë moment”.
Drejtori i Departamentit të Neurokirurgjisë së Charitës kontaktoi me zyrën e emigracionit, ku iu kishte dërguar një letër më datë 31 gusht. Në letër shkruhej: “bëj kërkesë për të kuptuar situatën aktuale për zgjatjen e mëtejshme të qëndrimit të familjes Turtulli në Berlin. Tumori i ishte shfaqur sërish, ai po lufton me jëtë. Shqiptari nuk duhet të udhëtojë. Trajtimi mund të bëhet vetëm në një qendër me përvojë, siç është Charité”. Por, për Departamentin e Senatit të Brendshëm, kjo nuk thoshte asgjë. Vendimi i Geisels ishte për depërtim dhe u dha më 31 gushtit.
Administrata e Senatit në fillim refuzoi të komentonte mbi letrën e mjekut. Por peticioni tani është dërguan në Komisionin e Peticioneve të Dhomës së Deputetëve të Berlinit të udhëhequr nga Michael Müller (SPD). “Për shkak të situatës, senatori Geisel duhet të rishikojë vendimin e tij”, thotë mësuesi Hamdi. Komisioni i Peticioneve të Dhomës së Përfaqësuesve i ka dhënë tani një mendim Departamentit të Senatit për Çështjet e Brendshme dhe Sportin./TIRANA TODAY/
