Ditën e sotme është zhvilluar seanca e radhës me dyer të mbyllura për kujdestarin e fëmijëve të Ballshit ku ju mbeti e vrarë nëna dhe tezja nga babai i tyre.
Në seancë kanë marrë pjesë gjyshërit e dy fëmijëve minoren, 7 dhe 10 vjeç, ndërsa nuk ka qenë i pranishëm babai i tyre, autori i ngjarjes Gazmend Musta, i cili ndodhet në burg për vrasjen e bashkëshortes së tij Gentjana Caushaj dhe kunatës 18 vjeçares Merisa Caushaj.
Fëmijët minorenë kanë kërkuar ditën e sotme që të kalojnë në kujdestari të dajës.
Në seancën e sotme është dëgjuar fjala e vajzës së mitur në prani të psikologes dhe kujdestares së fshatit ‘Sos’ ku qëndrojnë prej 2 janarit.
Në seancën e sotme vajza nuk ka pranuar të shkojë te gjyshërit nga babai, duke u shprehur se e mbante mend që babai i vrau mamanë dhe tezen. Mësohet se marrja në pyetje është bërë në prani të psikologes dhe ka kërkuar që së bashku më vellanë e saj të jetojnë me dajën, familja e të cilit jeton ne fshatin Drizar.
Babai i fëmijëve Gazmend Musta ditën e sotme është përfaqesuar nga avokati i tij.
