Ministrja e Shtetit për Marrëdhëniet me Parlamentin, Elisa Spiropali, i është përgjigjur deklaratave të bëra sot nga kreu i shtetit për mediat, në Durrës.
Ky i fundit bëri të ditur se ka formalizuar letrën drejtuar OSBE-së për të negociuar me forcat politike në vend për arritjen e një zgjidhje sa më të shpejtë në ditët që vijnë, me qëllim zgjidhjen e krizës politike.
Përmes një statusi në Tëitter, Spiropali ironizon Metën se me letrën e dërguar ai e ka treguar se nuk është më mbi palët por është pjesë e palëve, pra sipas saj ai ka pohuar se nuk është më president.
Statusi i plotë:
Baba Xhikja i paska kërkuar OSBE të bëhet arbitër mes paleve! Në fakt me atë letër ai paska pranuar thjesht që nuk është më as mbi palët, as mes paleve po thjesht udhëheqësi i njërës palë. Dmth s’është më President! Kurse letra mbetet si të tjerat: Export-Import Kafeje Qamili shpk.
Baba Xhikja i paska kërkuar OSBE të bëhet arbitër mes palëve! Në fakt me atë letër ai paska pranuar thjesht që nuk është më as mbi palët, as mes palëve po thjesht udhëheqësi i njërës palë. Dmth s’është më President! Kurse letra mbetet si të tjerat:Export-Import Kafeje Qamili shpk
— Elisa Spiropali (@elisaspiropali) July 26, 2019
