Idajet Beqiri, avokati i Izet Haxhisë, ka përgënjeshtruar deklaratën e ish-kryeministrit, Sali Berisha, i cili u shpreh se nuk është thirrur në gjykatë për të dhënë dëshminë, lidhur me vrasjen e Azem Hajdarit.
I ftuar në emisionin Repolitix, Beqiri shfaqi dy dokumente që dëshmojnë të kundërtën. Sipas tyre, Berisha është thirrur 2 herë: në datë 8 qershor 2001 dhe 30 korrik në të njëjtin vit.
“Këto janë dy thirrjet për Sali Berishën të dëshmojë në gjyq. Është thirrur në 8 qershor 2001 në orën 10:00. Si dhe më 30 korrik në orën 10:00. Pse e thirrën. Ky ishte i pari që doli dhe përmendi emra. Është njeriu që i dha ambasadorit amerikan një raport 5 faqe. Kur ai ka dhënë deklarata nuk ka thënë që filani tha kështu”, tha ai.
