Kryeministri i Kosovës, Avdullah Hoti, ka folur pas takimit me presidentin francez Macron, në Paris.
Përmes një postimi në Twitter, Hoti shprehet se ndihet i nderuar nga pritja që iu bë në Pallatin Elysee dhe se Macron iu zotua se Franca përkrah Kosovën.
“Shumë i nderuar me pritjen nga Presidenti i Francës, Emmanuel Macron. Raportet e Kosovës me Francën janë të shkëlqyeshme dhe ne jemi falënderues për përkrahjen e saj. Perspektiva e Ballkanit Perëndimor në Bashkimin Evropian është e vetmja mundësi për paqe, stabilitet dhe prosperitet në këtë pjesë të Evropës.
Franca zotohet se do të vazhdojë ta përkrah Kosovën në procesin e dialogut me Serbinë, i cili duhet të çojë në njohje të dyanshme dhe normalizim të raporteve”, thuhet në postimin e tij.
Kreu i qeverisë kosovare ndodhet në një vizitë zyrtare në Paris të Francës, pak ditë para nisjes së dialogut në Bruksel.
https://twitter.com/Avdullah/status/1280515707982184456
