Një ngjarje e rëndë është shënuar ditën e sotme në Republikën Çeke, ku dy trena pasagjerësh janë përplasur me njëri-tjetrin.
Sipas mediave të huaja, deri më tani janë shënuar tre viktima, ndërsa dhjetëra persona kanë mbetur të plagosur.
Aksidenti është regjistruar në afërsi të qytetit Karlovi Vari, rreth 120 kilometra në perëndim të Pragës, pranë kufirit me Gjermaninë.
“Sipas informacioneve të para ka shumë persona të lënduar. Hekurudha është mbyllur, ndërsa ka nisur menjëherë një hetim për zbardhjen e shkaqeve të aksidentit”, tha zëdhënësi i Shërbimeve Emergjente, Radek Hes, për televizionin çek.
Terreni i vështirë ku ka ndodhur përplasja e ka vështirësuar ndërhyrjen e grupeve të shpëtimit.
