“Abcnews” ka siguruar videon e ekzekutimit të 39-vjeçarit Emiljano Ramazani, ngjarje e ndodhur një ditë më parë në Elbasan.
Në pamjet filmike duket autori me kapuç që del nga një makinë e parkuar dhe ndjek automjetin e viktimës.
Ai ecën drejt tij i armatosur, ndërkohë që makina e tij zhvendoset nga një tjetër person që prej brenda.
Pasi kryen krimin gjakftohtë autori rikthehet në automjet dhe largohet nga vendngjarja. E gjithë ngjarja ndodh për 30 sekonda.
Emiliano Ramazani është një emër i njohur për drejtësinë pasi është arrestuar disa herë për trafik narkotikësh.
Në vitin 2012 gjatë operacionit të koduar “Tabakane 2”, Emiliano Ramazani i njohur edhe me nofkën “Rramani” dhe “Ili” u arrestua së bashku me 5 të tjerë pasi prokuroria kishte prerë fletë arresti për prodhim dhe mbajtje të lëndëve narkotike të kryer në bashkëpunim në formën e shitjes më shumë se një herë.
Nuk dihet se si i ka shpëtuar drejtësisë 39-vjeçari pas këtij arrestimi, por dihet se edhe në vitin 2017, gjatë operacionit “Porosia e Fundit” Rramani u arrestua për të njëjtën vepër penale.
