Në qytetin e Grazit në Austri është sekuestruar 180 kg drogë që vinte nga Shqipëria, ndërsa për policinë ky është operacioni më i madh i kryer ndonjëherë vitet e fundit. Sasia e marijuanës është sekuestruar në një apartament , ndërsa janë vënë në pranga 14 persona si të dyshuar, ndërsa shqiptarët janë kryesorët e grupit-shkruan Tirana Today.
Operacioni i hetimeve ka zgjatur rreth dymbëdhjetë muaj, ndërsa u finalizua me arrestimin e kryer me 4 janar të këtij viti. Krahas marijuanës, policia ka sekuestruar në apartamentin e qytetit të Grazit edhe 400 gram kokainë. Sipas policisë, sasia e kokainës vinte si Hollanda, ndërsa lënda narkotike marijuanës vinte nga Shqipëria dhe më pas shpërndahej në qytetin e Grazit në Austri-shkruan Tirana Today.
Banda u zbulua nga hetime konfidenciale dhe me burime që njihnin shumë mirë grupin e personave të cilët ishin pjesë e trafikut të drogës. Trafikantët kryesor ishin shqiptarë të cilët punësoheshin nga një kompani ndërtimi, por ata fshiheshin pas dokumenteve fallco të fshehur si shtetas sllovak- shkruan kleinezeitung.
Ndërsa pjesë e grupit ishin edhe shtetas austriakë, gjermanë, serbë, shqiptarë, kosovarë dhe boshnjakë të moshave nga 20 deri në 50 vjeç, ndërkohë vijojnë hetimet për të siguruar më shumë informacion.
“Ishte sulmi më i madh i marijuanës në vitet e fundit,” ka thënë Major Michael Lohnegger i departamentit kriminal të SPK-së. “Natyrisht, lufta nuk ka mbaruar”– tha shefi i policisë. Ai gjithashtu thekson se kontrollet do të vijojnë dhe do të goditen të gjithë grupet e trafikut të lëndëve narkotike. PËRSHTATI TIRANA TODAY.
