E enjte, 21 Tetor, 2021
8.5 C
Tirana

Audio-përgjimet e Lames/ Manjani: Hë ta lumsha, dele jeni!

Ish-ministri i Drejtësisë në qeverinë “Rama 1”, Ylli Manjani, ka reaguar pas deklaratës së bujshme të kreut të Kadastrës, Artan Lame, i cili pranoi publikisht se procesi i legalizimit është përdorur si kartë nga PS-ja, për të marrë vota. Me anë të një postimi në rrjetet sociale, Manjani shkruan se qeveria e Ramës po i trajton qytetarët si dele, dhe se strategjia ishte politike. Më tej ai shprehet se Artan Lame pranoi publikisht që ka gënjyer për vota, për llogari të pushtetit.

Kreu i Kadastrës Artan Lame, në një konferencë për mediat ka trajtuar çështjen e regjistrimit të pronave. Ai është pyetur nga gazetarët për audio-përgjimin që doli pak para zgjedhjeve të 25 prillit.

Lame udhëzonte punonjësit e tij të mbanin peng rreth 100 mijë legalizime, për të mos krijuar pakënaqësi që mund të dëmtonin PS-në në zgjedhje, edhe pse ato ndërtime nuk do të legalizoheshin. Ai tha se përgjimi ishte i vitit 2017, ndërsa shtoi se nuk heq asnjë fjalë nga ato që ka thënë.

Statusi nga Ylli Manjani

Delet e qeverisë…

*****

Artan Lame është i sinqertë, të paktën. Nuk e sjell fjalën vërdallë fare, por pranon burrnisht se politika e legalizimeve të palegalizueshme ishte për vota.

Ky quhet sinqeritet.

Tjetër gjë argumenti i ligjshëm apo i paligjshëm; i drejtë apo i padrejtë. Tjetër gjë nëse zyra e Kadastrës duhet apo jo të përfshihet në zgjedhje. Diskutim ky që bëhen aty ku ka shtet, jo ku sundon pushteti…

Por qartësisht është i vërtetë. Është një e vërtetë që e dimë të gjithë. E ka denoncuar opozita, Media e së fundi edhe ODIHR. Madje eehe ambasadori Amerikan në OSBE…

Lame i provon këto deklarime qarrtësisht.

Strategjia ishte politike. Jo vetëm për Lamen për për të gjithë administradën publike.

Njerëzit, që të mos shkonin si dele te opozita, duheshin mbajtur si dele te qeveria. Te qeveria moniste madje!!!

E morët vesh o njerëz!

Dele jeni!

Hë ta lumsha!

Alamet strategjie.

Në mos Lame, një tjetër do ta bënte këtë gjë sepse pushteti është mbi shtetin. Por Lame e pranon këtë gjë. Të tjerët e mohojnë; e gëlltisin; e fshehin. Gënjejnë për të fshehur gënjeshtrën e mëparshme. U ka zënë rrena rrenën e tashmë nuk merret vesh as cila rrenë është në fuqi…

Tani, ato që kanë banesa të palegalizueshme ti shëmbin vetë.

Sa më parë.

Pa vonesë.

Mos i detyroni edhe forcat e rendit që të harxhojnë kohë me ju..

Shëmbini vetë ato shtëpi a ç’keni bërë dhe votën prap t’ia jepni pushtetit!

Si dele. Ashtu ju quajnë. Dele të qeverisë.

Artan Lame u doli borxhit.

Pranoi publikisht që u ka gënjyer për vota, për llogari të pushtetit.

Por po u thotë të vërtetën tashmë: ato shtëpi NUK LEGALIZOHEN!

Ndaj shembini e rrini squk!

Dhe mos harroni: fajin e ka Saliu!

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...