Pas atentatit të bërë ndaj Prokurorit Arjan Ndoja, ka ardhur edhe reagimi i tij nga shtrat i spitalit të Durrësit.
Sipas ‘Dosja.al’, prokurori ka pohuar se i ka njohur personat që e kanë qëlluar me kallashnikov. Prokurori Arjan Ndoja është qëlluar me armë zjarri këtë pasdite, teksa lëvizte me makinën e tij në mbikalimin e Shkozetit në Durrës.
Mes dy mjeteve ka pasur shkëmbim zjarri, e për pasojë, përveç prokurorit, të plagosur kanë mbetur edhe dy persona të tjerë. Shoferi i prokurorit, Andi Maloku është transportuar në gjendje të rëndë në spital. Nuk dihet ende gjendja e tij.
Ndërsa Aleksandër Laho i cili njihet ndryshe si “i tmerrshmi i Sukthit”, është jashtë rrezikut për jetën.
