Zbardhen detaje të reja në lidhje me atentatin e ndodhur pas mesnatës në Elbasan.
Si pasojë e këtij atentati mbeti i plagosur 23-vjeçari, Kei Piu i cili u gjet në lagjen “Kongresi i Elbasanit”, pranë stadiumit “Elbasan Arena”. Qëllimi i këtij atentati dyshohet të ketë qenë eliminimi i të riut, por sipas BalkanWeb një incident me armën e autorëve ka bërë që 23-vjeçari t’i shpëtonte sulmit.
Bëhet me dije se autorët kanë qenë të maskuar dhe të pajisur me kallashnikov. Sipas burimeve, arma iu është bllokuar autorëve që pas gjuajtjes së dytë. I riu u gjet i plagosur nga policia dhe u transportua në spital, ku ndodhet jashtë rrezikut për jetën.
