Zbardhet identiteti i shqiptarit të plagosur në Ekuador, i cili dyshohet se ishte i përzierë në trafik të lëndëve narkotike. Sipas informacioneve të para të Vizion Plus, Remzi Azemi nga Kosova ka marrë tre plumba. Mësohet se shqiptari ishte i shoqëruar nga një vajze gjatë atentatit. Mediat ekuadoriane spekulojnë se ajo ishte gruaja e tij. Kjo e fundit ka hapur xhamin e makinës, duke bërë një gabim të rëndë.
Ata kanë ndaluar një 22-vjeçar të akuzuar për tre vrasje. Autoritetet thonë se kanë ndërmend që të ndalojnë udhëtimin e dy personave në një motoçikletë. Ky është rasti i dytë që shqiptarët në Ekuador bien pre e sulmeve brenda një harku të shkurtër kohor. Në muajin maj të këtij viti në të njëjtin qytet, mbeti i vrarë Ilir Hidri që gjithashtu dyshohet si i përfshirë në trafikun e drogës. Disa media spekulojnë se ngjarja e fundit në Ekuador ka lidhje me vrasjen e Hidrit.(Tirana Today)
