Gjykata e Apelit ka lënë në fuqi vendimin e Shkallës së Parë, duke lënë në burg autorët e vënë ne pranga si të dyshuar per atentatin ndaj Inez Hajrulla. Ngjarja ka ndodhur në 10 maj 2019, në lagjen “Ujë i Ftohtë”, ku të akuzuarit qëlluan me armë zjarri në drejtim të një lokali, dhe për pasojë mbeti i plagosur 63-vjeçari me inicialet D.C.
Në pranga për ngjarjen u vunë shtetasit Daut Elmazi, Albano Goxhaj, Dejvison Serjani dhe Ardjan Ahmeti.
I riu i shpëtoi breshërisë së plumbave të atentatorëve, të cilët qëlluan në distancë nga një automjet, ndërsa Hajrulla ndodhej i ulur në lokal bashkë me disa miq të tij.
Nga kamerat e sigurisë, por dhe nga gëzhojat, policia arriti në përfundimin se 26-vjeçari i ishte përgjigjur me zjarr autorëve.
Hajrulla është me precedentë të theksuar kriminalë, si edhe i dënuar më parë për disa vepra të ndryshme penale në fushën e krimeve kundër personit, vjedhje me dhunë dhe trafikim të mjeteve motorike.
