E diel, 24 Tetor, 2021
13.5 C
Tirana

Atentati me dy viktima në Elbasan, policia bën lëvizjen e rëndësishme

25 persona janë shoqëruar, sa i takon atentatit në një lokal, në një pikë karburanti në Elbasan. Një natë më parë, dy persona kanë humbur jetën. Viktimat e atentatit janë Ardjan Çollaku 50-vjeç, me një të shkuar kriminale, i dënuar në Itali për “trafik lëndësh narkotike”, por i skeduar edhe në Shqipëri për “dhunë në familje” dhe Lulzim Bitri 40-vjeç, gjithashtu me precedentë penalë, i përfshirë në një vrasje në Tetovë tre vite më parë.

Bitri dhe Çollaku u ekzekutuan me të paktën 15 plumba në afërsi të një karburanti në hyrje të qytetit të Elbasanit. Jo shumë metra larg vendit të krimit, në zonën e Metalurgjikut, policia gjeti një makinë tip “Volvo” duke u djegur, e cila besohet se i përket autorëve. Në vendin e ngjarjes janë gjendur më shumë se 23 gëzhoja, nga të cilat 2 kanë përshkuar Bitrin në kurriz, ndërsa një plumb ka goditur në kokë Çollakun.

Si ndodhi ngjarja?

Ngjarja ka ndodhur në Bradashesh, në vendin e quajtur rrethrrotullimi i luleve, pranë një karburanti, ku viktimë në vendin e ngjarjes mbeti Lulzim Bitri dhe Ardjan Çollaku, i cili ndërroi jetë në spital.

Çollaku bashkë me Bitrin, kanë qenë duke lëvizur në këmbë, në momentin që janë qëlluar me breshëri kallashnikovi nga një automjet në lëvizje. Plumbat i morën jetën në vend Bitrit, ndërsa Çollaku mbeti i plagosur rëndë, por ndërroi jetë në spital. Automjeti tip “Volvo” i përdorur nga autorët, u gjet i djegur disa minuta më pas në fshatin Balldre, një skemë e përsëritur nga ekzekutorët edhe në atentate të tjera të ndodhura në vend.

Çfarë kapën kamerat e sigurisë?

Kamerat e sigurisë së karburantit pritet të zbardhin më shumë detaje si ndodhi ngjarja, ndërsa policia ka ngritur postblloqe në hyrje dhe në dalje të qytetit. Në Elbasan kanë mbërritur edhe forcat RENEA, FNSH dhe Departamenti i Policisë Kriminale.

Kush janë dy shënjestrat e sulmit mafioz?

Rezulton se si Bitri dhe Çollaku kanë qenë persona me precedentë të mëparshëm penalë, dhe me lidhje me bandat që veprojnë në Elbasan. Ardjan Çollaku, i njohur edhe si Ardjan Subashi, u hetua si i lidhur drejtëpërdrejtë me vrasjen e Everest Çakës, në maj të këtij viti. Në vitin 2015 është arrestuar në Elbasan, pasi ishte shpallur në kërkim ndërkombëtar nga autoritet italiane, që e kishin dënuar atë me mbi 23 vjet burg për “Shfrytëzim të prostitucionit” dhe “Prodhimit dhe mbajtjes pa leje e armeve luftarake dhe e municionit”. Subashi ka qenë edhe subjekt i OFL-së, ku vitin e kaluar së bashku me 3 persona të tjerë iu kërkua deklarimi i pasurisë.

Lulzim Bitri rezulton mik i ngushtë i Talo Çelës, teksa në vitin 2018 u arrestua, i akuzuar për “vrasje në bashkëpunim” të një personi në Tetovë të Maqedonisë së Veriut. Vrasja ndodhi pas përplasjes mes dy grupeve kriminale. Ka dyshime se vrasja e dyfishtë mund të ketë ndodhur për larje hesapesh, por hetimet vijojnë ende.

- Reklama -

Më shumë nga kategoria




Të fundit

Çfarë PD-je mund të sjellë Foltorja?

Nga: Ergys Mërtiri Mbështetësit e z. Berisha pretendojnë se Foltorja po sjell debatin dhe reflektimin që i ka munguar PD-së duke i kontribuar hapjes dhe...

Sherr mes afganëve në Shëngjin, 26-vjeçarja plagos bashkëjetuesin 

Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja...

Serbia ndalon boksierët nga Kosova, Shqipëria braktis botërorin

Ekipi i boksit të Kosovës nuk është lejuar të hyjë në Serbi, për të marrë pjesë në Kampionatin Botëror të boksit që mbahet në...

Futbollisti torturohet dhe grabitet në prani të partneres

Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se...

Basha: Zotit mund t’i kem hyrë në hak, por jo Berishës!

Kryedemokrati Basha është treguar i hapur për mediat, ndërsa ka komentuar vendimin e tij për të përjashtuar Sali Berishën. Ai tha se nuk i...