Presidenti i Republikës, Ilir Meta ka reaguar në lidhje me situatën e rëndë të shkaktuar nga krimi në vend, teksa në harkun kohor të pak ditëve, janë shënuar 3 vrasje që kanë shkaktuar 3 viktima.
Sipas Kreut të Shtetit, kjo situate kërko masa të menjëhershme reaguese dhe parandaluse nga intitucionet, si dhe autorët e këtyre veprave kriminale duhet të ndalohen sa më pare.
Ndër të tjera, Meta tha se veprat kriminale duhet të zbardhen nga drejtësia dhe autorët duhet të marrin dënimin më të rreptë ligjor.
”Revanshi i krimit në qytetet kryesore të vendit kërkon masa të menjëhershme reaguese dhe parandaluese, nga të gjitha institucionet e ngarkuara me ligj për mbrojtjen e rendit dhe të sigurisë publike. Autorët e këtyre krimeve duhet të ndalohen sa më parë dhe aktet kriminale të konsumuara në zemër të qyteteve tona, që po tronditin rëndë opinionin, duhen të zbardhen menjëherë nga drejtësia dhe duhet të marrin dënimin më të rreptë ligjor.’’, shkruan Meta në rrjetin social, Facebook.
