E mërkurë, 16 Qershor, 2021
16.5 C
Tirana

Vrasja e Çakës/ Rihapen dosjet e vjetra, dyshim për dr*gë dhe hakmarrje

Jeta viktimës mes Spanjës dhe Holandës, por edhe mundësia e hakmarrjes për ngjarje të dyshuara për vite më parë, janë pistat e para të hetimit për vrasjen e Everest Çakës mbrëmjen e së martës në Elbasan. Policia bëri të ditur dje se, në lidhje me këtë ngjarje, ku humbi jetën 41 vjeçari Everest Çaka dhe u plagos bashkëshortja e tij, janë shoqëruar mbi 25 persona.

Burime nga grupi hetimor kanë bërë të ditur për “Tirana Today” se, personat e shoqëruar deri në mesditën e së mërkurës ishin vetëm persona që ndodheshin në vendin e ngjarjes apo në afërsi të vendin ku ndodhi dhe vrasja e 41 vjeçarit.

Madje, as dëshmia e bashkëshortes së viktimës, Silvana Çaka, nuk ka arritur që të zbulojnë ndonjë gjurmë apo të dhënë për autorët. “Ajo nuk ka pasur mundësi që të bëjë identifikimin e tyre për shkak të errësirës dhe të faktit se ato ishin të maskuar”, thanë burimet hetimore.

Hetimet

Sipas hetimeve të para mësohet se, Everesti, dhe pse i dyshuar për një të shkuar kriminale, nuk ishte se ishte person që ruhej, apo kishte ndonjë dyshim se mund ti bëhej ndonjë atentat, ndaj ai lëvizte lirshëm në qytet. Çaka 12 vite më parë ka qenë i arrestuar nga policia e Elbasanit për ekzekutimin e Gëzim Alikajt te Ura e Zaranikës në Elbasan. Gjithashtu ai ka qenë dhe i dyshuar kryesor për një vrasje të trefishtë në Elbasan, ku u vranë vëllezërit Xhelal dhe Pëllumb Mahmuti, si dhe babai i tyre, Emin Mahmuti.

Këta të fundit ishin vëllezërit dhe babai i “Nel Çamit”. Vrasja e dy djemve dhe babait të tyre, është kryer në sy të Myzejen Qoses, bashkëshortes së Pëllumbit, e cila ka parë të gjithë ngjarjen dhe në ikje e sipër autori është përleshur me të, duke e qëlluar me një plumb afër syrit, por fatmirësisht gruaja ka shpëtuar.

Ndërkohë, të dhënat e deritanishme tregojnë se autorët e kësaj ngjarje mund të jenë vrasës me pagesë ndaj grupi hetimor po përpiqet që përmes të dhënave të bëjë identifikimin e personave që janë dhe porositësit e kësaj ngjarje. Makina e përdorur në krim u gjend shumë larg vendit të ngjarjes, ndërsa mësohet se ishte  vjedhur në Shkodër.

Dyshime të tjera

Ndërkaq, një pistë tjetër hetimi e lidh viktimën me atë që quhet si “grupi i Alibeajt” dhe vazhdën vrasjeve që kanë përshkruar një seri ngjarjesh në qytetin e Elbasanit. Erjon Alibeaj është një nga personazhet e arrestuar nga policia si personi që dyshohet të ketë urdhëruar dy vrasje të njëpasnjëshme mafioze, atë të Regis Runajt dhe Emiljano Ramazanit.

Në dosje është përfshirë edhe vrasja e Arjan Spahiut, i cili u ekzekutua shtatë muaj më parë në Belgjikë dhe që sipas dyshimeve, edhe kjo vrasje lidhet me pazare droge. Burime policore, kanë bërë të ditur për “Tirana Today” se Çaka ishte marrë në pyetje dhjetë ditë më parë nga prokurorë belg që kishin mbërritur në Elbasan, të cilët po hetojnë për zbulimin e vrasjes së kushëririt të tij.

Edhe ezkekutimi i vëllait të Çakës në Barcelonë disa vite më parë, është një pistë qëmund të rilidhë ngjarjet . “Vrasja mund të jetë porositur nga grupe të forta, që veprojnë brenda dhe jashtë Shqipërisë”, thanë burimet policore.

- Reklama -

Më shumë nga kategoria




Të fundit

Autogol, gola të anuluar dhe shtyllë, Franca ”gjunjëzon” Gjermaninë në Mynih

Përfundon supersfida e grupit F mes Francës dhe Gjermanisë. Gjermania e Lëv tronditet që në fillim të kampionatit europian. Skuadra e Didier Deshamps kaloi...

Pekini akuzon NATO-n për ekzagjerim të kërcënimit nga Kina

Kina ka akuzuar NATO-n se është duke shpifur për zhvillimin e saj paqësor, pasi liderët e aleancës kanë paralajmëruar për “sfida sistematike” që vijnë...

Biden shpall planin e parë kombëtar për të luftuar terrorizmin e brendshëm

Presidenti amerikan Joe Biden shpalli atë që ai e quajti plani i parë kombëtar për të luftuar terrorizmin e brendshëm. Në një deklaratë të martën,...

A mundet Basha të përjashtojë Berishën? Ja si përgjigjet Nishani

Kryetari i Këshillit Kombëtar të Partisë Demokratike, Bujar Nishani deklaroi se kryetari i zgjedhur Lulzim Basha, nuk mund ta përjashtojë Sali Berishën nga grupi...

RENEA kontrolle në terren, vë me shpatulla pas murit disa persona në lokal

Forcat RENEA dhe FNSH kanë dalë sërish në terren mbrëmjen e sotme, në kuadër të aksionit për kapjen e personave të shpallur në kërkim,...