Në ndeshjen e parafundit të javës së 29 të Serisë A, Atalanta mposhti 2-0 Napolin, duke regjistruar fitoren e katërt radhazi dhe “blindon” vendin e katërt, që do të thotë kualifikim në Champions League për sezonin e ardhshëm.
Pas një pjese të parë me pak emocione, të shenjuar nga dëmtimi në kokë i portierit Ospina, Atalanta “shpërthen” në pjesën e dytë.
Në minutën e 47, Pasalic shënon me kokë golin e parë të ndeshjes, ndërsa në minutën e 55 Gosens dyfishon me një goditje diagonale, shkruan “A2”. Me këtë humbje, Napoli i thotë “lamtumirë” Champions-it për sezonin e ardhshëm.
