Astrit Patozi, i ftuar në studion “Byro Politike” është shprehur se kreu i PD Lulzim Basha nuk është lider, por të paktën të imitonte Sali Berishën.
“Ajo që bëri Basha në 2017-ën s’është bërë nga liderë të vërtetë, si Nano, Meta apo edhe Berisha. Me ato lista vetjake që bëri kapërceu mbi Sali Berishën. Ti nuk je lider por të paktën të imitonte një lider. Të imitonte Sali Berishën”, tha Patozi.
Për sa i përket sistemit zgjedhor, që ditët e fundit është kërkuar të ndryshohet edhe nga Basha, Patozi tha që ai është përfituesi më i madh i këtij sistemi, ndërsa për Berishën u shpreh duke qeshur se duhet një emision tjetër të flasë për të dhe nuk i mjafton.
“Sali Berisha ka bërë një zgjedhje për të cilën nuk është penduar që nga 2013. Fakti që Sali Berisha nuk flet nuk do të thotë asgjë, por fakti që të tjerët nuk flasin do të thotë shumë. Tani të flasim për Sali Berishën na duhet një emision tjetër dhe nuk mjafton (qesh)”, tha Patozi.
