Deputeti i PD-së, Astrit Patozi është përplasur sot me kryeministrin Rama pas seancës së jashtëzakonshme në Parlament, ku u votuan listat e emërimeve të anëtarëve të komisioneve të Vettingut.
Patozi kërkoi të merrte fjalën për një replikë me Ramën, mirëpo fjala nuk iu dha nga kryetari i Kuvendit.
Në këtë mënyrë replika është zhvilluar jashtë Parlamentit. Në të shihet qartë se Rama dhe Patozi replikojnë me njëri-tjetrin, ndërsa kryeministri i thotë se mos kandidimi i tij në listat e PD-së ka ardhur pas një interviste të deputetit dhënë për “Top-Channel”. Por Patozi ia kthen se ai nuk ka ikur, madje ai thotë se Rama duke e ditur mirë që ai nuk ka ikur flet për të.
“E di kur ke ikur ti, kur dhe atë intervistën te TCH”, i thotë Rama Patozit. Kujtojmë se pas mospërfshirjes së Patozit në listat e PD-së, deputeti shkroi se Rama e ia kishte paralajmëruar mos kandidimin e tij, që para paktit me Bashën, duke ngritur dyshime. /Panorama.al/
DEBATI
Patozi: Unë nuk të kam ndërhyre në marrëdhënien që ke me atë. Marrëdhënien që kë ti me atë unë nuk ta prish.
Rama: Ti do ikje që 90 ditë para. Çfarë marrëdhënie…
Patozi: Atë marrëdhënien që ke ti me atë.
Rama: O zotëri e di kur ke ik ti….Ti ike pasi dhe atë intervistën te Top Channel, atëherë ke ik.
Patozi: Po po unë e di.
Rama: Po mos më thuaj mua ma vë mua fajin kot, ti ke ikur kur dhe intervistën te Top Channel dhe thua pastaj Edi Rama diktator.
Patozi: Puna është që nuk kam ikur unë, dhe ti e di që skam ik. Meqë e di që s’kam ikur flet.
