Ende nuk është marrë një vendim final se kur do të hapen shkollat në Greqi, ndërsa situata është e luhatshme si pasojë e pandemisë së koronavirusit.
Gjatë ditëve të ardhshme, Qeveria greke do të vendosë nëse të gjitha nivelet e arsimit, mund të rihapen më 8 janar.
Vendimi do të varet nga të dhënat epidemiologjike të ardhshme, ka deklaruar zëdhënësi Stelios Petsas.
Çështja, që sipas Petsas është një “përparësi kryesore e qeverisë”, u diskutua të martën nga anëtarët e komitetit të qeverisë të ekspertëve shëndetësorë dhe Ministrit të Arsimit Niki Kerameus.
