Pas bllokimit të rrjeteve sociale për Donald Trump, edhe pasuesi i tij është përballur me surpriza. Raportohet nga mediat e huaja se presidentit të zgjedhur amerikan, Joe Biden, i është dhëna llogaria e tij e re nga zyra presidenciale në Twitter, por është detyruar ta fillojë atë me zero ndjekës.
Fushata e Biden është e pakënaqur me lëvizjen, e cila shënon një ndryshim nga tranzicioni i mëparshëm i llogarisë së presidentit Barack Obama. Lidhur me këtë lëvizje, Twitter nuk ka dhënë shpjegime.
Llogaria e re @PresElectBiden do të shndërrohet në zyrtare @POTUS (Presidenti i Shteteve të Bashkuara ) në ditën e inagurimit në 20 janar.
Në gjashtë orët e para të saj në internet, rreth 800.000 persona filluan ta ndjekin llogarinë e presidentit.
