Për shkak të situatës së rënduar me të infektuar, e me një bilanc tragjik sa i takon peronave që humbin jetën si pasojë e koronavirusit, Greqia ka marrë një tjetër vendim.
Qeveria greke ka vendosur shtyrjen e izolimit. Pra, Greqia nuk do të rihapet në datën 30 nëntor.
Mediat greke njoftojnë se qeveria ka marrë vendimin për mbështetjen e biznesit me 7.5 mld euro.
Pavarësisht izolimit, Greqia nuk ka njohur shenja përmirësimi. Për shkak të fluksit të të infektuarve, edhe sistemi shëndetësor e ka patur të pamundur përballimin e situatës.
Autoritetet shëndetësore dhe ato politike, shohin të nevojshme zgjatjen e bllokimeve në vend edhe për të paktën një javë, pasi ecuria me koronavirusin mbetet shqetësuese.
E ndërsa festat po afrojnë, qeveria ka lajmëruar qytetarët se lëvizjet nga një rajon në tjetrin do të jenë të ndaluara. “Për t’u hapur në mënyrë të sigurtë, duhet t’u përmbahemi masave, të kufizojmë lëvizjen”, tha zëdhënësi i qeverisë, Stelios Petsas.
Sipas tij, hapja do të bëhet gradualisht, së pari me hapjen e shkollave.
