Gjatë takimeve që kreu i Partisë Demokratike Lulzim Basha pati në qytetin e Beratit, një banorë i qytetit është shprehur se vendin e ka mbuluar një mjerim i madh. Mungesa e punës, bën që qytetarët të mos kenë të ardhura.
“Lekë nuk ka fare. Duket kur populli kërkon bukë të ftohtë në mëngjes për të kursyer 20 lekë. Mjerim më të madh, nuk ka ku shkon. Asnjë lek në xhep. Nuk ka punë, po nuk pati punë, nuk ka lekë. Ka vajtur ku nuk mban më.”
Ndërkohë, Basha i përgjigjet se në mënyrë që ta çlirojmë vendin nga e keqja, duhet të bashkohemi që të gjithë.
“Duhet ta çlirojmë Shqipërinë nga e keqja. Të gjithë bashkë ditën e shtunë.
Provën ua dhamë. Dolëm nga parlamenti i krimit, tani të gjithë bashkë ta rrëzojmë këtë qeveri të krimit, që të çlirojmë ekonominë, të çlirojmë njerëzit nga kjo e keqe.”, është shprehur Basha.
