Ndarja e parakohshme nga jeta e balerinës dhe moderatores Hueyda El Saied, ka tronditur familjarët, miqtë e saj artistë dhe jo vetëm. Artistja shqiptare e cila prej disa kohësh ishte larguar jashtë vendit, ka ndërruar jetë si pasojë e një sëmundje të rëndë nga e cila vuante.
Lidhur me këtë lajm tronditës, ka reaguar kryeministri Edi Rama, ndërsa mesazhin e ka shoqëruar me një foto. “Lamtumirë shoqe e vogël”, shkruan Rama, duke e shoqëruar me një zemër të thyer.
Ndarja nga jeta e parakohshme e Hueyda El Saied ka trishtuar publikun, fansat, familjarët dhe miqtë e saj. Këta të fundit kanë reaguar përmes postimeve në rrjetet sociale, duke shprehur trishtimin që kanë nga ikja e saj.
46-vjeçarja e cila prej disa kohësh jetonte jashtë vendit, ka ndërruar jetë në një spital, si pasojë e një sëmundje të rëndë.
Hueyda ishte nënë e një djali, Gabriel, i cili erdhi në jetë nga martesa e parë me ish-partnerin francez, Michael Tamisier.
Artistja ishte e ndarë, pasi ai e kishte tradhtuar dhe vetëm pak kohë më parë i dha fund beqarisë duke u martuar me Thierryn. Me këtë të fundit kishte vite që njiheshin, dhe ai gjithmonë e kishte pëlqyer. Por duke qenë se Hueyda ishte e martuar, ai nuk i kishte thënë asgjë.
