E enjte, 20 Janar, 2022
-1.5 C
Tirana

Dvorani: Gjyqet s’bëhen në media! Presidenca paralajmëron lëvizjen e radhës

Gjykata e Posaçme kundër Korrupsionit dhe Krimeve të Rënda, ka pranuar kërkesën e SPAK për të pushuar çështjen ndaj Ardian Dvoranit, ish kreut të KED, pas çështjes penale që u hap me padinë e presidentit Meta.

Pas këtij vendimi, Dvorani tha se nuk mund të bëjë interpretim në lidhje me qëndrimin e SPAK. Ai u shpreh shkurtimisht se nuk ka asnjë përplasje me asnjë institucion, dhe se janë institucionet ato që vendosin.

Më tej nënvizoi se koha e gjyqeve popullore ka mbaruar, gjatë regjimit të kaluar. “Nuk mendoj se më shkon mua që të bëj intepretime për qëndrimin e SPAK. Unë nuk kam përplasje me asnjë institucion, unë jam gjyqtar dhe është jashtë realitetit që të kem përplasje me institucionet.

I takon si çdo individi tjetër që të ketë interpretimin e tij. Janë institucionet ato që vendosin përfundimisht. Koha e gjyqeve popullore ka mbaruar gjatë regjimit të kaluar. Nuk mund të bëhen në media”, tha Dvorani.

Për këshilltarin ligjor të presidentit Ilir Meta, Bledar Dervishaj, vendimi i dhënë është i padrejtë. Ai tha se do e ankimojnë këtë vendim, dhe do të ndjekin të gjitha hapat që ia lejon ligji.

“Deri më tani Presidenti i Republikës ka respektuar sekretin e Prokurorisë. Kërkesa për pushimin e kësaj cështje jemi njoftuar në fillim të nëntorit. GJKKO vendosi pushimin, por ne kërkuam mos akordim. Gjykata na njoftoi se vendimi i zbardhur do të bëhet me dije dhe tani presim çdo të ndodhë. Unë di ta ruaj sekretin. Janë parashtruar të gjitha argumentet.

Cilat nga aktet që presidenti ka dorëzuar në prokurori, nuk është publike?

“Të gjitha janë transparente. Do e ankimojmë vendimin. Është pushuar vendimi për çështjen penale të vitit 2020, ku ishin shumë të pandehur. Presim të zbardhet vendimi i gjykatës, ne do të bëjmë atë që na lejon ligji”, tha Dervishaj.

Lexo edhe :   “Taulanti i madhërishëm”, ironizon Meta: Kisha merak mos i bojkotonte PS-ja
Lexo edhe :   Basha i përgjigjet Metës pas takimit me Ballën

Prokuroria e Posaçme Kundër Krimit të Organizuar dhe Korrupsionit ka rrëzuar presidentin Ilir Meta sa i takon çështjes “Dvorani”. Meta paditi Dvoranin në SPAK, ndërsa e akuzonte për “shpërdorim detyre” në lidhje me procedurat për zgjedhjen e anëtarëve të Gjykatës Kushtetuese. Në shkurt të vitit 2019, Meta kallëzoi Dvoranin për “shpërdorim detyre” dhe “përvetësim kompetencash”. Në padinë e tij, Meta u përplas me këshillin e drejtuar nga Dvorani, për procesin që lidhej me betimin e gjyqtarëve për në Gjykatën Kushtetuese.

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...