E enjte, 20 Janar, 2022
-3.5 C
Tirana

Artisti i njohur ndërton varrin e tij në fshatin personal

Ed Sheeran i ka çuditur të gjithë, pasi ka bërë plane për të ndërtuar një dhomë varrimi nën dyshemenë e kishës së re në formë varke e cila po ngrihet në mjediset e mini-fshatit të tij në vlerë prej 4.4 milionë euro në Suffolk të quajtur Sheeranville.

Fotografitë e reja tregojnë se objekti i kultit, aktualisht është në ndërtim e sipër, dhe është i mbuluar me skela, ndërsa së shpejti mund t’i bashkohet një zonë varrimi në të cilën do të futej përmes një pllake në dysheme. Planet e fundit nënkuptojnë se ylli 30-vjeçar i popit mund të varroset në mjediset e shtëpisë së tij në fshatin Framlingham, nëse planet që janë paraqitur për varrin, marrin miratimin nga oficerët e këshillit.

Vendi privat i tërheqjes së Sheeran-it është modeluar me mure të lakuara në plan dhe në lartësi, të cilat i japin atij një ndjesi gjithëpërfshirëse në formë varke. Dhoma e varrimit, e cila sipas planeve do të ishte në pjesën e pasme të ndërtesës, do të kishte përmasa 8.9ft (2.71m) me 5.9ft (1.8m) që është rreth madhësisë së një varri të dyfishtë.

Sheeran fillimisht nuk arriti të merrte leje për një kishëz në kopshtin e tij, por në vitin 2019 ai paraqiti plane të zvogëluara të cilat u miratuan nga fqinjët e tij, si dhe nga këshilli i famullisë.

Ndërtimi sapo ka filluar në ndërtesën e re për meditim dhe lutje – e cila është në veri të shtëpisë kryesore të Sheeran dhe afër kufirit lindor të pronës. Vendi i adhurimit do të ketë një çati prej plumbi, mure stralli dhe dritare xhami me njolla.

Çatia është në formë gjetheje dhe planet origjinale thonë se dizajni është reflektues i formave që janë të njohura për të gjithë, duke i lejuar secilit të interpretojë simbolikën e tij në mënyrën e vet.

Burimi i lajmit: dailymail. Përshtatur nga Tirana Today

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...