E enjte, 20 Janar, 2022
-3.5 C
Tirana

Dy janarët e Sali Berishës

Nga: Mero Baze

Ka shumë njerëz që janë të fyer pse Sali Berisha nuk është thirrur në prokurori si organizator i dhunës, por si dëshmitar i saj. Dhe kanë të drejt. Ka të tjerë që janë të xhindosur, pse e kanë thirrur idhullin e tyre që ka 30 vjet që vret e pret e nuk i hyn gjemb në këmbë. Dhe ata kanë të drejt se po u përmbyset bota para syve të tyre.

Por është një pjesë e madhe e shoqërisë shqiptare, e cila është në gjendje të krahasoj dy janarët e Sali Berishës, 21 janarin e 2011 dhe 8 Janarin e 2022. Më 21 Janar 2011, Sali Berisha vrau katër demonstrues të paarmatosur, të parrezikshëm dhe të pambrojtur, nën arsyetimin e “grushtit të shtetit”, u përpoq të impononte një pistë vrasjeje duke inkriminuar opozitën dhe në fund kur nuk ja doli dot, fshiu provat dhe shkatërroi procesin e hetimit.

Por qershia mbi tortë që bën diferencën është se ai nuk u thirr kurrë dhe akoma nuk është thirrur edhe sot si dëshmitar apo person në dijeni për 21 Janarin. Në fakt ai ka marrë përsipër verbalisht dhe vrasjet dhe përsëri nuk është thirrur.

Sot ai u thirr, vërtet në mënyrë të padenjë si person në dijeni për ngjarjen, lidhur me dhunën e mbështetësve të tij në sytë e tij dhe nën komandën e tij më 8 Janar. Nuk i di çfarë e kanë pyetur brenda dhe çfarë ka thënë, por më mjafton ai momenti kur ai rri ulur para prokurorit, ai e pyet për emrin e babait nënës dhe pastaj bën atë
pyetjen që duket idiote: A je dënuar ndonjëherë?

Dhe ky i ka thënë gjithë krenari “Jo”. Ky është problemi i madh i këtij njeriu, fakti që sot duhet të thoshte së paku jam dënuar katër herë gjatë këtyre tridhjete viteve, njëherë për zgjedhjet e 96 njëherë për trazirat e 97, një herë për Azem Hajdarin më 98 dhe një herë më 21 janar të 2011.

Lexo edhe :   Antimitingjet që po shpëtojnë Bashën nga berishizmi

Kjo është krye akuzë për sistemin tonë të drejtësisë. Kur doli nga prokuroria nuk mu duk se ja kishte kaluar aq mirë. Dukej i kalbur në fytyrë dhe filloi të flas për kulla për miliona të Lulzim Bashës dhe për komplote të SHBA kundër tij. Duket se ajo procedura formale e marrjes në pyetje e kishte destabilizuar pasi i ishte dukur si një “nxemje” e prokurorisë për të.

Lexo edhe :   Antimitingjet që po shpëtojnë Bashën nga berishizmi

Diferenca mes janarit të 2011 dhe Janarit të 2021 ishte pikërisht fakti që ky këtë janar së paku u thirr pa asnjë kompleks. Dhe fakti që tek dera e prokurorisë njoftoi se do të rifilloj foltoren e tij nga Shkodra në Vlorë, tregon se ai tani do ti tregoj prokurorisë dhe SHBA që ka popullin me vete dhe nuk e arrestojnë dot.

Eshtë iluzioni i njeriut që nuk e ka kuptuar ende që është vetëm dhe i pashpresë për të ardhmen e tij. Fakti që më 8 Janar nuk mblodhi dot as 1 mijë vet dhe pasi u zbua me bisht në shalë nga qelia, nuk e çonin këmbët në shtëpi por u soll rrotull nëpër bulevard dhe erdhi prap me 20 vet pas tek dera e SHQUP dhe shikonte ndërtesë. Nuk mori dot si qen i rrahur flet shumë për fundin e tij jo vetëm politik por dhe psikik.

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...