Gazetari investigativ Artan Hoxha ka zbuluar se si një kryebashkiak socialist është filmuar duke pirë drogë në ambient publik, në një lokal. I ftuar në emisionin “Opinion”, Hoxha tha se video e këtij kryebashkiaku “është ende në qarkullim”. Madje ai sqaroi më tej se video është realizuar në një ambient publik, dhe kjo është vërtetë shqetësuese.
“Dijeni mund të kenë, nuk e di nëse e kanë parë. Është në ambient publik, se po të ishte në zyrë nuk ke si e filmon. Nëse e merr narkotikun në banesë apo në një ambient të mbyllur, nuk ka asnjë problem se thua jam përdorues.
Përveç faktit që je i zgjedhur vendor, pastaj kalon në një nivel tjetër. Por, nëse e merr në ambient publik, ky është problem. Kam ndjekur dhe rastet e denoncuara nga opozita, sigurisht për gjithë rastet kanë qenë pozitive, për faktin se i ka rrëzuar Prokuroria më mbrapa. Gjej rastin ti përgëzoj. Kontrolli duhet bërë para se ata të zgjidhen dhe jo pasi të zgjidhen. Ai proces zgjedhor ka pas një kosto për taksapaguesit shqiptar”, ka thënë Artan Hoxha.
