Për gazetarin investigativ Artan Hoxha, kjo është një periudhë e artë për botën e krimit. Në “Top Show” ai ka deklaruar mbrëmjen e djeshme se kriza politike ka bërë që policia të fokusohet më shumë në protesta, dhe jo në ndjekjen e personave në shkelje të ligjit.
“Është situata më e artë për botën e krimit. Policia është zënë me protestat dhe mitingjet. E dini që parcelat me kanabis janë shtuar? Që nga marsi deri më tani janë shtuar. Do ta shohim sa do të kapen. Sasi rekord. Ka patur shumë ngjarje, atentate mafioze”, tha Hoxha.
Në vend ende vijon kriza politike. Prej shkurtit të vitit të kaluar, opozita ka djegur mandatet. Me rinisjen e sesionit të ri parlamentar pritet të merret vendimi për shkarkimin e presidentit Ilir Meta. Ndërkohë ky i fundit vijon thirrjet për zgjedhje të tjera më 13 tetor.
