Prokurorja e Përgjithshme e Përkohshme Arta Marku i ka bërë thirrje Kuvendit që të miratojë sa më shpejt ndryshimet ligjore që nevojiten pas vakumit të lënë nga vendimi i Gjykatës Kushtetuese në lidhje me procedimet disiplinore ndaj magjistratëve.
Këtë thirrje Marku e bëri nga Durrësi, gjatë fjalës së saj në analizën e prokurorive të Durrësit, Kavajës dhe Elbasanit.
Kryeprokurorja e përkohshme ka bërë apel që këto ndryshime të bëhen sa më shpejt, pasi dispozita kalimtare e Prokurorit të Përgjithshëm nuk e lejon atë që hetimet disiplinore ndaj prokurorëve të shkojnë deri në fund.
