Një 61-vjeçar nga Shkodra ka përfunduar në prangat e policisë, pasi akuzohet për veprimtari të kundërligjshme të prodhimit të produkteve ushqimore.
I arrestuari identifikohet me inicialet G.B., banues në lagjen “Ahmet Haxhija”, Shkodër. Ndërsa u kap nga shërbimet e pikës kufitare në Muriqan.
Sipas njoftimit të policisë, në punishten e firmës së 61-vjeçarit u konstatua se prodhoheshin produkte të ndryshme ushqimore në kundërshtim me ligjin.
“Në lagjen “Skënderbeg”, në zonën industriale ish-fermentimi, në punishten e firmës së këtij shtetasi, më datë 16.10.2019 është konstatuar se prodhoheshin përsëri produkte të ndryshme ushqimore në kundërshtim me ligjin, edhe pse e kishte të ndaluar që nga data 28.03.2018 prodhimin e artikujve ushqimorë”, thuhet në njoftimin e policisë.
Materialet iu referuan Prokurorisë pranë Gjykatës së Shkallës së Parë Shkodër.
