Një kamion në Brazil që transportonte karburant ka humbur kontrollin, teksa merrte kthesën, duke u përplasur me mbrojtësen anësore të rrugës. Për pasojë, kamioni shpërthen në flakë.
Siç dallohet edhe në videon e publikuar, fillimisht nga kamioni nis të dalë tym, ndërsa shumë prej shoferëve, ndaluan automjetet dhe dolën për të parë se çfarë po ndodh.
Në një moment, krejt papritur, cisterna shpërthen dhe flakët përhapen me shpejtësi përgjatë rrugës. Të tmerruar, njerëzit nisin të vrapojnë me qëllim për t’u shpëtuar flakëve.
Nga ky aksident, humbi jetën shoferi i kamionit. Ndërsa dy prej personave që ndodheshin brenda në veturën e goditur nga kamioni, arritën që të shpëtonin duke dalë nga makina në kohë.
