Tre persona kanë përfunduar në pranga në aeroportin e Rinasit, pasi kanë tentuar të udhëtojnë me dokumente të falsifikuara.
Sipas burimeve policore, të arrestuarit janë J. B., 21 vjeç, lindur dhe banues në Kamerun është organizatori, B. A., 34 vjeç, lindur dhe banues në Gana, J. B., 23 vjeç, lindur dhe banues në Kamerun.
Sipas hetimeve, 34-vjeçari kundrejt shpërblimit monetar, ka siguruar nga shtetasi J. B., një pasaportë franceze që i përkiste një personi tjetër dhe duke përfituar nga ngjashmëria fizike me këtë shtetas ka tentuar të udhëtojë me këtë pasaportë nga aeroporti i Rinasit në drejtim të vendeve të BE-së.
Po ashtu dhe 23-vjeçari J. B., kundrejt shpërblimit monetar ka siguruar nga 21-vjeçari J. B., një kartë identiteti franceze që i përket shtetasit B. Y., me të cilin ka ngjashmëri fizike.
Policia dyshon se në rrjetin e falsifikimeve janë përfshirë dhe shtetas shqiptarë.
