Kryeministri Edi Rama ka reaguar në lidhje me arrestimin e Redjan Rrajës, i akuzuar si i përfshirë në atentatin ndaj prokurorit Arian Ndoja.
Përmes një postimi në Twitter, Rama përshëndet punën e policisë për zbardhjen e kësaj ngjarjeje.
Përveç kësaj ai ka paralajmëruar se brenda këtij muaji do të dalë “Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda…”
Postimi i plotë:
Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit. Brenda muajit Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda…
dhe masat speciale kundër KÇK-së. Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetingu.
