Ekonomi

Tatimet: 100 mln $ borxhi nga mospagesa e sigurimeve shoqërore


               Publikuar në : 13:57 - 05/11/19 B H

Zv. drejtori i Përgjithshëm i Tatimeve, Xhavit Curri, ka deklaruar se borxhi për kontributet e sigurimeve shoqërore është 100 milionë dollarë.

Në një intervistë për News24, Curri tha se 99% të këtij borxhi e kanë kompanitë private, ndërsa vetëm 1% rezulton të jetë nga entet publike dhe institucionet shtetërore.

“Për hir të së vërtetës duhet thënë që nga totali I numrit të tatimpaguesve që ushtrojnë veprimtari dhe kanë borxhe të papaguara për kontributet e sigurimeve shoqërore 99% e tyre janë tatimpagues privat pra janë kompani private. Sigurisht këto kompani janë aktive por ka dhe me status pasiv. Nga ana tjetër vetëm 1% e tatimpaguesve I përkasin enteve shtetërorë dhe publike si ujësjellës kanalizime, OSHEE. Pra e vërteta është që borxhi që kompanitë publike dhe sidomos dhe entet buxhetorë kanë ndaj buxhetit të shtetit kanë ndaj administratës tatimore është relativisht i vogël ai ruan një përqindje konstante prej vitesh dhe dua të them që borxhi për kontributet e sigurimeve shoqërore është në nivel stabël”, u shpreh ai.

Ai shton se tatimet kanë një plan veprimi për mbledhjen e këtij borxhi. Sipas tij, kjo mund të çojë deri tek mbledhja me forcë, si për entet publike ashtu edhe kompanitë private.

“Administrata tatimore fillon mbledhjen me forcë të detyrimeve duke vendosur urdhër bllokimin në bankë për këdo që kanë detyrime të papaguara për kontributet e sigurimeve shoqërore përfshirë këtu edhe institucionet buxhetore dhe entet publike. Më pas ligji ka parashikuar masa të tjera më të forta të mbledhjes me forcë siç është ajo e bllokimit të aseteve të kompanive duke vendosur barrë siguruese për asetet e luajtshme dhe duke vendosur hipotekën për pasuritë e paluajtshme. E njëjta gjë ndodh edhe me kompanitë private edhe për kompanitë private ndiqen të njëjtat hapa për mbledhjen me forcë”, deklaroi Curri.

Kthehu
WhatsApp Denonco ne TT