Pas shoqërimit në polici të gazetarëve të cilët nëpërmjet një lajmi të rremë përhapën panik në mes të qytetarëve, ka ardhur edhe reagimi i ish-kryeministrit, Sali Berisha.
Përmes një postimi në Facebook, Berisha e denoncon rëndë këtë akt, duke u shprehur se ata po transmetonin vetëm të vërtetën ‘që fsheh dhe manipulon makineria e shpifjeve, trillimeve dhe të paqenave e Edvin Kristaq Mafisë’.
Sipas Berishës, ky është një atentat ndaj shtypit të lirë, teksa shton se ata vetëm ritransmetuan një lajm që më parë e kishte shpërndarë Top Channel.
Postimi i plotë:
Nje akt banditesk!
Bastisja dhe arrestimi i gazetareve ne detyre nga narkopolicia te Syri.net dhe Syri TV; Artan Cena, Aurel Rakipllari, Ermal Rizai, Gelsi Bakollari, si nje medie qe ne emer te transparences iu thote qytetareve te verteten qe fsheh dhe manipulon makineria e shpifjeve, trillimeve dhe te paqenave e Edvin Kristaq Mafise dhe narkoshtetit te tij. Gjithashtu narkopolicia ka ndaluar dhe gazetaren e “Shekulli”, Daniela Grica.
Ky akt kriminal, atentat ndaj shtypit te lire u ndermor sepse ata ritransmetuan nje lajm, te cilin i pari e kishte dhene Tele Blushi, ne te cilin njoftohet se nga motet e medha qe shoqerojne termetet mund te kete edhe permbytje.
Denoj me ashpersine me te madhe kete akt tipik skiziod paranojak te Edvin Kristaq Mafise dhe narkoshtetit te tij dhe iu bej thirrje organizatave nderkombetare te lirise se mediave te denoncojne dhe denojne prane OKB dhe Keshillit te Europes Edvin Mafine dhe regjimin e tij te gangstereve te droges dhe krimit. sb
