Më 23 maj të vitit të kaluar, Mikel Kasaj u arratis nga salla e Gjykatës së Vlorës në mënyrë spektakolare, pikërisht sapo iu dha dënimi me 3,4 vite burg.
Kasaj ishte akuzuar për pengmarrje, ndërsa mësohet se ai është kapur nga policia greke. Sipas kësaj të fundit, Kasaj u arrestua në Athinë si pjesëtar i një grupi që akuzohet për grabitje të armatosura në pika karburanti dhe banesa.
Në këtë operacion u arrestuan gjithsej 6 shtetas shqiptarë dhe 2 grekë, si dhe u sekuestruan një automatik kallashnikov, dy pistoleta dhe një revolver, si dhe një sasi prej më shumë se 1 kg kanabis.
