Personazhi i ditës së djeshme Riljon Lalaj, i cili ishte arrestuar për ‘armëmbajtje pa leje’ dhe u arratis gjatë shoqërimit në gjykatë, ka bërë që të procedohen penalisht edhe dy efektivët e Komisariatit nr. 1 që po e shoqëronin.
Shërbimi për Çështjet e Brendshme dhe Ankesave në Ministrinë e Brendshme, ka nisur hetimin në gjendje të lirë për të dy efektivët.
Arratisja e 30-vjeçarit ndodhi në momentin që po i merreshin shenjat e gishtave, përpara se ai të dërgohej në gjykatë, për tu njohur me masën e sigurisë.
