Gazetari Armand Shkullaku, teksa ka qenë i ftuar në emisionin ‘Zonë e Lirë’, i është rikthyer çështjes së shumëdebatuar, atë të Mihal Kokëdhimës. Ai madje ka zbuluar se kryeministri Rama ka ngrënë shumë peshq në lokalin e biznesmenit, e ndërsa atë ngjarje e cilësoi si një incident të tepruar, që nuk kishte pasur faj asnjëra nga palët.
‘A duhej shfarrosur Mihal Kokëdhima? Pro dhe kundër?’, ishte pyetja që Arian Çani ka shtruar në emision, ndërsa Armand Shkullaku u përgjigj: ‘Në asnjë mënyrë jo. Që në një moment të caktuar të çmendemi, kjo ndodh. Që të çmendet shteti, kjo është serioze.
Iu shkatërrua lokali brenda natës, u arrestua, u fut në burg. Kjo për çfarë? Për një incident të tepruar, nuk kishte pasur faj asnjëra nga palët.
Djali i xhaxhait të Koço Kokëdhimës është ai. Rama ka ngrënë shumë peshq aty tek lokali i Mihalit…’.
Restorant “Panorma” në pronësi të Mihal Kokëdhimës u shemb nga IKMT, pas një videoje ku shihej Kokëdhima teksa dhunonte disa turistë spanjollë, ndërsa prej disa vitesh vepronte dhe pa leje.
