Pak më herët, Arjoni i cili është konkurrenti i “Për’puthen”, publikoi dy foto ku shihet në shtrat me një vajzë, për të cilën pretendon se është Ana.
Këto foto bënë xhiron e rrjetit, e madje shkaktuan shumë zhurmë. “Pantera zgjohu se do ikim te puntata! Datën dhe arsyen pse i publikova, do i them në një moment të dytë”, shkruante Arjoni tek një nga fotot në fjalë, që i kishte shpërndarë në rrjetet sociale.
Por pamjet në fjalë, bien ndesh me rregullat e emisionit, i cili ndalon qartë takimet jashtë studios.
Në lidhje me rastin ka reaguar dhe faqja zyrtare e “Për’Puthen” në Instagram, ku citon se sot do t’i dedikohet plotësisht “skandalit” të fotove.
Nuk dihet vërtetësia e imazheve dhe gjithçka pritet të sqarohet në studio, ku nuk përjashtohet eliminimi i konkurrentëve të përfshirë.
