Arjan Çani i është bashkuar ‘TikTok’-ut. Moderatori i njohur nuk i ka shpëtuar trendit të momentit, duke dëshmuar se ishte mjaft komod. Çani nuk është aspak aktiv përsa i përket rrjeteve sociale, madje herë pas here në emisionin “Zonë e Lirë” ka deklaruar se i urren.
Por ai ka vendosur të plotësojë dëshirën e vajzës, dhe të publikojë disa video nga përditshmëria, ndryshe nga sa e njohim moderatorin i cili është i rezervuar për jetën e tij private.
“Unë s’marr vesh nga rrjetet sociale, dhe Joana sapo më tha duhet të bësh një video ta hedhësh në TikTok se ke vetëm 5 abonentë”, është shprehur Çani. Në këtë formë ai ka nisur një sfidë me përdoruesit e këtij rrjeti, për të parë se sa followers do të shtohen në profilin e tij.
