Pas nënshkrimit të Alexander Nübel për Bayern Munchen kanë ardhur edhe pakënaqësitë e para nga ekipi.
Portieri titullar i kampionëve të Gjermanisë, Manuel Neuer nuk duket aspak i kënaqur me këtë lëvizje. Arsye për këtë është bërë klauzola që Nübel kërkoi në kontratën e tij, ku thuhet se ai duhej të luajë në 15 ndeshje sezonin e ardhshëm.
Sipas France Football, Manuel Neuer ia ka bërë të qartë drejtorit sportiv, Hasan Salihamidzic, se ai nuk do të shkojë mënjanë për portierin e ri.
“Për sa kohë jam këtu, unë do t’i luaj të gjitha ndeshjet pa marrë parasysh konkurrencën, përfshirë miqësitë”, mësohet të ketë thënë portieri.
Raportohet se menaxheri i Neuer po sheh mundësi të tjera dhe në shteg ka dalë Juventusi. Kampionët e Italisë kanë legjendën Buffon si portier të dytë, ndërsa titullari i ekipit është Ëojciech Szczęsny, i cili nuk është se ka performuar aq mirë.
