“Big Brother VIP” është plotësuar me të gjitha komponentët, duke hedhur dritë edhe mbi emrat e opinionistëve. Prej disa javësh, që kur Arbana Osmani dha sinjalet e para të rikthimit të bujshëm të “Big Brother VIP”, shumë emra janë lakuar në mediat rozë.
Disa personazhe janë zbuluar, e shumë të tjerë janë në pritje, teksa na ndajnë pak orë nga spektakli që e ka të garantuar suksesin. Kjo pasi edicionet e shkuara kanë tërhequr shikueshmëri maksimale, e ku personazhet komentohen në rrjetet sociale dhe jo vetëm.
Numërimi mbrapsht ka filluar: “Big Brother Albania VIP” do të rikthehet në transmetim shumë shpejt, dhe kurioziteti i publikut është i madh.
Më në fund enigma ka marrë fund, dhe Arbana Osmani ka zbuluar se dy opinionistët e këtij edicioni janë Arbër Hajdari dhe Balina Bodinaku.
“Opinionistët janë dy figura shumë të njohura, të spikatura por jo në këtë rol. Asnjëherë! Pra, nuk kanë qenë kurrë opinionist në një reality-show.
Do kem kënaqësinë që ta ndaj skenën, formatin, rrugëtimin me Arbër Hajdarin dhe Balina Bodinakun. Të dy të shkëlqyer në fushat respektive, që jam e sigurtë që do t’i japin më shumë vlerë këtij formati”, tha Arbana.
